Կառավարությունն այսօրվա նիստում հավանություն տվեց Լոռու մարզի Դարպասի գյուղական համայնքի վարչական տարածքում գտնվող՝ էկոնոմիկայի նախարարության «Գուգարք» կարի ԱՄ-ի կազմից առանձնացված «Դարպասի արտադրամաս»-ի 2197.45 քառ. մետր մակերեսով անշարժ գույքի ուղղակի վաճառքի ձևով մասնավորեցնելու արդյունքում համայնքի ֆոնդային բյուջե մուտքագրված 4 միլիոն 500 հազար դրամն ուղղել համայնքի հեղեղատարի կառուցման աշխատանքների իրականացմանը:
ՀՀ կառավարության որոշման ընդունումից հետո Դարպասի գյուղական համայնքում կֆինանսավորվի համայնքի ավագանու կողմից հաստատված «Հեղեղատարի կառուցում» ծրագիրը:
Կառավարության հաստատած կարգի համաձայն՝ Դարպասի համայնքի ավագանին քննարկել և հավանություն է տվել համայնքի ղեկավարի ներկայացրած «Հեղեղատարի կառուցում» ծրագրին: Ծրագիրը հավանության է արժանացել նաև ՀՀ Լոռու մարզպետի կողմից և սահմանված կարգով ներկայացվել ՀՀ տարածքային կառավարման նախարարություն: Ծրագրի իրականացման ծախսերը կազմում են 4,5 միլիոն 0.56 հազ դրամ:
.gif)
