Անգլիայի և Ուելսի ոստիկանները խորհուրդ են տալիս մանր հանցագործությունների զոհերին հետաքննել իրենց հետ կատարված դեպքերը, այն դեպքում, երբ քննիչները գործնականում չեն կատարում իրենց պարտականությունները, տեղեկացնում է BBC-ն:
Վերահսկիչ հանձնաժողովի զեկույցում մի քանի օրինակ է բերվում, թե ինչպես է նյութական վնասի պատճառման կամ մեքենայի առևանգման դեպքում ոստիկանությունն անգործության մատնվել՝ բարդելով հետաքննությունը զոհերի ուսերին:
Հեռախոսով հանցագործության մասին հաղորդում ընդունելիս հերթապահ սպան փորձում է որոշել գործի հեռանկարները և ոստիկանների` անհապաղ դեպքի վայր մեկնելու անհրաժեշտությունը:
Կողոպուտի զոհերին խորհուրդ է տրվում ինքնուրույն զննել բանեցված իրեր վաճառող ինտերնետ-խանութները՝ իրենց գողացված ունեցվածքը գտնելու նպատակով:
Ոստիկանները հայտարարել են, որ կրճատումների պատճառով իրենք ստիպված են որոշել գործերի հրատապությունը և առաջին հերթին զբաղվել լուրջ հանցագործություններով:
Սակայն զեկուցի հեղինակները նշում են, որ նման գործելակերպ նկատվում էր նաև մինչև ոստիկանության բյուջեի կրճատումները:
.gif)
