Դորտմունդի «Բորուսիա»-ի կիսապաշտպան Սինձի Կագավան, Բունդեսլիգայի երրորդ տուրում «Ֆրայբուրգ»-ի դեմ հաղթանակից հետո, (3:1) հայտարարել է, որ ուրախ է գերմանական ակումբ կրկին վերադառնալու համար:
Շաբաթ օրը տեղի ունեցած խաղում ճապոնացի ֆուտբոլիստը, վերադարձից հետո, անցկացրեց իր առաջին խաղն ու դարձավ գոլի հեղինակ:
«Ես շատ ուրախ եմ այս մարզադաշտում կրկին խաղալու համար: Խաղի ժամանակ իմ մարմնով սարսուռ էր անցնում», – նշել է նա:
Հիշեցնենք, որ դորտմունդցիները հաղթանակ էին տարել 3:1 հաշվով: Բացի Կագավայից, գոլի հեղինակներ էին դարձել Օբամեյանգն ու Ռամոսը: Ամբողջ հանդիպմանը մասնակցել է նաև Հայաստանի հավաքականի կիսապաշտպան Հենրիխ Մխիթարյանը, ով ուներ իրական գոլային պահեր, սակայն այդպես էլ չկարողացավ հաջողության հասնել:
.gif)
