Հումորիստ դերասաններ Գրիգոր Դանիելյանն ու Գարիկ Սեփխանյանը երբևէ չեն մտածել դերասանական գործունեության մասին: Նրանք ի սկզբանե այլ մասնագիտություն են ընտրել, սակայն, հանգամանքների բերումով, հետագայում փոխել են աշխատանքային գործունեության ոլորտը:
Armlur լրատվականի զրուցակիցները պատմեցին, թե երբվանից են սկսել հումորային ժանրում սցենարներ գրել, ներկայացրին իրենց աշխատանքային պրոցեսը, նշեցին, որ ամեն ինչ անում են՝ իրենց հումորը բոլոր հեռուստաունկնդիրներին հասկանալի դարձնելու համար:
Գրիգորն ու Գարիկը հայտարարեցին, որ յուրաքանչյուր հումորային սցենար գրելիս շատ երկար են մտածում, որպեսզի կարողանան հեռուստատեսությամբ ներկայացնել այնպիսի հումոր, որը քննադատության չենթարկվի: Դերասանները նշեցին նաև, որ յուրաքանչյուր քաղաքացու կարծիք իրենց հետաքրքիր է, քանի որ հենց այդ ամենը ի մի բերելով են իրենք կարողանում հասկանալ, թե ժողովուրդն այսօր ինչ է ցանկանում լսել հեռուստաեթերից:
Հումորիստներն իրենց հիմնական գործունեությունը սկսել են «Արմենիա» հեռուստաընկերությունում, որտեղ այժմ շարունակում են աշխատել: Նրանք այս օրերին նախապատրաստվում են նոր եթերաշրջանի:
Սոնա Գրիգորյան, Տիգրան Սարգսյան
.gif)
