Ռուս հայտնի դերասան Մարատ Բաշարովն այնքան է ծեծել իր կնոջը՝ դերասանուհի Եկատերինա Արխարովային, որ վերջինս ընկել էր կոմայի մեջ: Այդ մասին ռուսական հեռուստաընկերություններից մեկի եթերում պատմել է Արխարովայի ընկերներից մեկը:
Կնոջը բուժող բժշկի վկայությամբ՝ Բաշարովը ոչ թե հարվածել է կնոջը, այլ ծեծի ենթարկել, և առաջինը եղել է գլխով հարվածը կնոջ քթին: Այդ ամենի հետևանքով Արխարովան կոմայի մեջ է ընկել, ուղեղի ցնցում, քթի և գլխուղերի ծանր վնասվածքներ ստացել:
Եկատերինա Արխարովան երկար ժամանակ ապրել է Իտալիայում և նկարահանվել իտալական կինոյում: Հարազատների վկայությամբ՝ շիկահեր գեղեցկուհու ձեռքն անգամ արքաայազներն են խնդրել, սակայն նա վերադարձել է տուն և նախընտրել 40-ամյա Բաշարովին:
Ամառվա սկզբին կայացած գեղեցիկ հարսանեկան արարողությունը թույլ չէր տալիս կանխատեսել այն փորձանքները, որոնց մեջ է ներկայումս հայտնվել դերասանուհին:
Հայտնի դերասանի՝ ալկոհոլի հանդեպ սիրո մասին խոսում են ոչ միայն կնոջ ընկերուհիները, այլև՝ իրավապահները, ովքեր 2 տարի առաջ զրկել էին Բաշարովին վարորդական իրավունքից՝ հարբած վիճակում մեքենան վարելու համար: Այդ նույն վիճակում էլ նա ձեռք է բարձրացրել կնոջ վրա, այնուհետև՝ արյունլվա վիճակում նրան տնից դուրս շպրտել:
.gif)
