Նիկոլա Սարկոզին, ով Նանտում հանդես է եկել «Միություն ժողովրդական շարժման համար» կուսակցության նախագահի պաշտոնի քարոզարշավի շրջանակներում, մեղադրել է Ֆրանսիայի նախագահ Ֆրանսուա Օլանդին ստելու մեջ: Այդ մասին տեղեկացնում է РИА Новости-ն՝ վկայակոչելով Le Parisien թերթը:
Երկու հազար հավաքվածների առջև ելույթ ունենալով՝ Ֆրանսիայի նախկին ղեկավարը հայտարարել է, որ 2,5 տարվա ընթացքում սուտը երկրում վերածվել է քաղաքական սկզբունքի, ինչն, իր կարծիքով, հանգեցրել է հանրապետության և ժողովրդավարության թուլացմանը:
«Ֆրանսուա Օլանդը խաբում է առավոտյան, ցերեկը և նույնիսկ երեկոյան», – հայտարարել է Սարկոզին:
Նրա կարծիքով, ներկայիս նախագահը իր պաշտոնավարման առաջին իսկ պահից պարտություններ է կրել:
.gif)
