«Եթե հայտնաբերվում է ժամկետանց սննդամթերք, այն հանվում է իրացման ցանցից եւ հետազոտություն իրականացնելուց հետո միայն կարող է վերադառնալ իրացման ցանց»:

Սննդի անվտանգության պետական ծառայության պետը, այսպիսով, արձանագրում է, որ իրենք միայն իրենցից հասանելիքն են կատարում (դեռ պարզ չէ, թե ինչ որակի)՝ հաստատում են ժամկետանց սնունդ, հետազոտում եւ կրկին ուղարկում իրացման: Հետաքրքիր է, էլ ի՞նչ իմաստ ունի այդքան ծախս անելն ու դատարկ հետազոտության համար մարդկանց աշխատավարձ տալը: Բոլորն էլ գիտեն, թե հատկապես որ սննդատեսակներն են անդառնալիորեն հնացել, ու ինչ ճարպկությամբ են դրանց վրայի նշումները խանութներում փոփոխվում: Եւս մեկ անգամ այդ փաստերի ստուգումը շարքային սպառողին ոչինչ չի տա: