Ֆլեշ-մոբ՝ ընդդեմ կոռուպցիայի

Շահերի պաշտպանության ազգային կենտրոնների (ՇՊԱԿ) ազգային ցանցը մայիսի 29-ին՝ ժամը 11:00-ին, Հայաստանի ողջ տարածքում իրականացնելու է Ֆլեշ-մոբ` “ՈԲչ կոռուպցիային” խորագրով, այս մասին տեղեկանում ենք ՇՊԱԿ ազգային ցանցի տարածած հաղորդագրությունից:

 ՇՊԱԿ-ների ազգային ցանցում ընդգրկված են 13 գրասենյակներ, որոնք գործում են Հայաստանի բոլոր մարզերում, յուրաքանչյուր մարզում մեկ կենտրոն, իսկ Արագածոտնի մարզի Թալին և Ապարան քաղաքներում նաև հենակետային ընդունարաններ:

Նախաձեռնության շրջանակներում յուրաքանչյուր ՇՊԱԿ–ի և ընդունարանի կողմից կազմվելու է “ՈԲչ կոռուպցիային” բառակապակցությունից մեկ տառ, որը նպատակ ունի հասարակության անդամների ուշադրությունը մեկ անգամ ևս հրավիրել կոռուպցիայի դեմ և դրանով ցույց տալ, որ ցանկացած բացասական երևույթ, ինչը խորթ է և անհարիր հայկական արժեքներին, անհանդուրժողության, համախմբման ու միասնական գործելու դեպքում հնարավոր է դուրս մղել հասարակությունից:

Միջոցառման ընթացքում, տառը կազմելուց հետո մասնակիցները բարձրաձայն արտասանելու են իրենց կազմած տառը, այնուհետև բարձրաձայն արտասանելու են “ՈԲչ կոռուպցիային” բառակապակցությունը:

 

“Ֆլեշ-Մոբ” միջոցառումը, որին մասնակցելու են ավելի քան 300 հոգի, կազմակերպվել է ԱՄՆ ՄԶԳ ֆինանսական աջակցությամբ իրականացվող “ՇՊԱԿ-ների ազգային ցանցի զարգացում” ծրագրի շրջանակներում:

 

Ստորև ներկայացնում ենք այն վայրերը, որտեղ նախատեսվում է իրականացնել ակցիան.

 

Երևանի ՇՊԱԿ – ք. Երևան, Մոսկվա կ/թ-ի հարակից Շ.Ազնավուրի անվան հրապարակ. 

Արագածոտնի ՇՊԱԿ – Արագածոտնի մարզ, ք. Աշտարակի Ն.Սիսակյանի անվան դպրոց.

Թալինի ՇՊԱԸ – Արագածոտնի մարզ ք. Թալին, Տերյան 24 հասցե.

Ապարանի ՇՊԱԸ – Արագածոտնի մարզ, ք. Ապարան, Քաղաքապետարանի դիմացի հրապարակ.

Արարատի ՇՊԱԿ – Արարատի մարզ, ք. Արարատի թիվ 2-րդ դպրոց.

Արմավիրի ՇՊԱԿ – Արմավիրի մարզ ք. Արմավիրի թիվ 4-րդ դպրոց.

Գեղարքունիքի ՇՊԱԿ – Գեղարքունիքի մարզ, ք. Գավառի թիվ 1-ին դպրոց.

Լոռու ՇՊԱԿ – Լոռու մարզ, ք. Վանաձոր, Շ.Ազնավուրի անվան մշակույթի տուն.

Կոտայքի ՇՊԱԿ – Կոտայքի մարզ, ք. Հրազդան, Կենտրոն թաղամաս, Օգոստոսի 23.

Շիրակի ՇՊԱԿ – Շիրակի մարզ, ք. Գյումրի, Վ.Աճեմյանի անվան դրամատիկական

թատրոնի բակ.

Սյունիքի ՇՊԱԿ – Սյունիքի մարզ, ք. Կապանի թիվ 10 դպրոց.

Վայոց Ձորի ՇՊԱԿ – Վայոց Ձորի մարզ, ք, Եղեգնաձորի թիվ 1 դպրոց.

Տավուշի ՇՊԱԿ – Տավուշի մարզ, ք. Իջևանի թիվ 1-ին դպրոց: