Որտե՞ղ են իրենց հանգիստն անցկացնում մարզպետները. «Հրապարակ»

ՀԵՏԵՎԵՔ ՄԵԶ Telegram-ՈՒՄ

«Հրապարակ» թերթը գրում է. «Մեր մարզպետները սիրում են հանգստանալ Ջերմուկում: Տարիներ շարունակ Ջերմուկում հանգստացող Արագածոտնի մարզպետ Սարգիս Սահակյանը, օրինակ, այս տարի ամռանը չէր հագրվանել Աշոտ Արսենյանին պատկանող «Արմենիայում», այլ հանգստանում էր «Օլիմպիա» հյուրանոցում: «Օլիմպիայում» էր նաեւ Գեղարքունիքի մարզպետ Ռաֆիկ Գրիգորյանը: Վերջիններս այդ «քայլով» իրենց համերաշխությունն էին հայտնել Վայքի նախկին մարզպետ Էդգար Ղազարյանին, որի հարաբերություններն ահավոր վատացել էին Արսենյանի հետ, այն աստիճան, որ Ջերմուկում գտնվելիս ջերմուկցի Էդգարը չէր անցնում Արսենյանի հյուրանոցի առջեւով` ըմպելասրահ չգնալու համար, իսկ միջոցառումների ժամանակ էլ միմյանց տեսնելիս նրանք գլուխները շրջում էին եւ աշխատում նույն միջոցառմանը երբեք երկուսով ներկա չլինել: Միայն Շիրակի մարզպետ Ֆելիքս Ցոլակյանն էր խախտել այդ տաբուն եւ հանգստանում էր Արսենյանի «ռեզիդենցիայում», նա լայն ժպիտով դուրս էր գալիս, զանգում մարզպետ ընկերներին, թե` «քա, եկեք մի էրկու բառ խորատա էնենք»»։

Մանրամասները թերթի այսօրվա համարում:




Լրահոս