«Լացիո»-ի հարձակվող Միրոսլավ Կլոզեն գոհ չէ իտալական ակումբում իրեն հատկացված խաղաժամանակից և մտածում է ձմեռային տրանսֆերային պատուհանի ժամանակ ակումբից հեռանալու մասին: Նա մտադրվել է մոտ ժամանակներս զրուցել իտալական ակումբի ղեկավարության հետ:
«Ես ինձ առողջ եմ զգում, լավ մարզավիճակում եմ գտնվում և ուզում եմ ավելի շատ խաղալ: Ակնհայտ է, որ ներկայիս իրավիճակն ինձ չի բավարարում, ես սպորտում այլ նպատակներ ունեմ: Պետք է զրուցեմ «Լացիո»-ի ղեկավարության հետ, և դեռ կտեսնենք, թե ինչ կկարողանանք անել: Ֆուտբոլում անհնարին բան չկա», – նշել է իտալական ակումբի ֆուտբոլիստը:
Հիշեցնենք, որ Կլոզեի հանդեպ հետաքրքրություն է ցուցաբերել մի քանի ակումբ Անգլիայից, ԱՄՆ-ից և Ռուսաստանից:
.gif)
