Հայ-Ադրբեջանական շփման գծում տեղի ունեցող իրադարձությունների մասին armlur.am -ը զրուցեց ՍԴՀԿ անդամ, Ազգային անվտանգության նախկին փոխնախարար Գուրգեն Եզիազարյանի հետ:
-Պարոն Եղիազարյան, հատկապես Տավուշում իրավիճակը բավականին լարված է: Կարծիքներ են հնչում, որ Հայաստանը Ռուսաստանին պետք է խնդրի ռազմական դիտորդներ կամ էլ փոքր զորամիավորումներ տեղադրել Տավուշի մարզի սահմանային հատվածում: Ինչ եք կարծում դա կթուլացնի լարվածությունը:
– Առնվազն երեխայի տրամաբանություն և խոսակցություն: Այսօր Հայաստանը ¨ Ադրբեջանը ԱՊՀ անդամ երկրներ են և ասել, որ Ռուսաստանը երկու ԱՊՀ երկրների միջ¨ կտեղադրի զորք, ուղղակի բացառված է: Այդպիսի խոսակցությունները ստվեր են գցում մեր զինված ուժերի վրա: Ես կարող եմ քննադատել մեր Պաշտպանության նախարարությանը, ասել որ հանիրավի այս խաղաղ պայմաններում երեխա չպետք է մահանա, այլ խոսակցություն է, բայց ինչ վերաբերում է մեր զինված ուժերին, հավատացած եղեք, որ ցանկացած պահի կարող ենք հակահարված տալ հակառակորդին և ռուսական զորքերի կարիքն այդ հատվածում չունենք: Եթե անգամ մենք ռուսներին խնդրենք օգնեն, դա ԱՊՀ-ի պայմաններում հնարավոր չէ և դրա իմաստ էլ, կրկնում եմ, չկա:
-Որքանով է կապված ԱՄՆ պետքարտուղար Հիլարի Քլինթոնի այցը ստեղծված իրավիճակի հետ:
-Կրակոցները բնավ չեմ կապում Հիլարի Քլինթոնի այցի հետ: Հետագա գործընթացներն եմ կապում, այսինքն այս ամենը զարգացում կապրի: Այլ հարց է, թե ինչու է այս սրացումներին գնում Ադրբեջանը: Մարդիկ խնդիր են լուծում: Եվրոպական երկներին ասում են, որ այս հարցը մեզ համար քնած հարց չի եւ «հարգելի տիկնայք և պարոնայք» շուտ արեք այս հարցին լուծում տվեք: Երևի Ադրբեջանին մեծ տերությունները ինչ որ բան են խոստացել, սրանք էլ ասում են ինչ որ շատ ուշացրեցիք:
-Եթե ԱՄՆ-ն բերի ՆԱՏՕ-ի զորքերը այս դեպքում ինչքանով կփոխվի իրավիճակը:
-ՆԱՏՕ-ի զորքերը չեն բերի, քանի որ մենք ունենք այնպիսի մի բանաձ¨, որ ԵԱՀԿ Մինսկի խմբի համանախագահները չեն կարող խաղաղապահի դեր կատարել:
-Ինչ եք կարծում Ադրբեջանին ձեռնտու է պատերազմը:
Ադրբեջանին ձեռնտու չէ պատերազմը, քանի որ դա կլինի Ալիևի վախճանը: Մինչև նրանք հարյուր տոկոսով հաղթանակին վստահ չլինեն չեն կարող գնալ այդ քայլին: Այդ հաչոցներին մի հավատացեք:
-Ինչ ելք եք տեսնում ստեղծված իրավիճակից:
-Շտապ իշխանափոխություն և Ղարաբաղի հիմանահարցի կարգավորում: Ոչ լեգիտիմ իշխանությունը չի կարող Ղարաբաղի հարցին հայանպաստ լուծում տալ:
ՔՆԱՐ ՄԱՆՈՒԿՅԱՆ
.gif)
