Որքան են վաստակում ռուս հայտնիները ամանորյա միջոցառումներին

Ռեստորաններում կամ ժամանցի այլ վայրերում ամանորյա օրերին ելույթ ունենալու համար երգիչ-երգչուհիները տարեցտարի էլ ավելի մեծ հոնորարներ են պահանջում, որոնք նույնիսկ բարձրաձայն արտաբերելն է անհարմար: Առաջին հայացքից` դրանք թվում են ապշեցուցիչ, անհավանական և ոչ ճշմարտանման, բայց դա իրականում այդպես է: Ռուսական կայքերն արդեն հրապարակում են, թե որքան են պահանջում ռուս հայտնիները՝ ամանորյա կորպորատիվներին մասնակցելու համար:

Դեկտեմբեր ամիսն առհասարակ ռուսական շոու-բիզնեսի ներկայացուցիչների համար համարվում է տարվա ամենաեկամտաբեր ամիսը:

Երգիչների վճարման կարգը հաշվարկվում է հետևյալ կերպ. «Որքան տանից հեռու, այնքան բարձր հոնորար»: Օրինակ` Նիկոլայ Բասկովն արտերկրում ամանորյա միջոցառումներին մասնակցելու համար պահանջում է մոտ 150 հազար դոլար:

Վերջին մի քանի տարիների ընթացքում Ամանորի գիշերն ամենից շատ վաստակել է Ստաս Միխալյովը: Նրա հոնորարը կազմել է 250 հազար ռուբլի (մոտ 8 մլն դոլար): Համեմատության համար նշենք, որ երգիչ Սերգեյ Լազարևի հոնորարն առհասարակ կազմում է 50-70 հազար դոլար:

Ժաննա Ագուզարովան հիմնականում պահանջում է 100 հազար եվրո և դեկտեմբերին հասցնում է մոտ 6 միջոցառման ելույթ ունենալ:

Ռուսական կորպորատիվներին ելույթ են ունենում նաև երգիչներ արտերկրից: Մասնավորապես` մեկ ելույթի համար իտալացի հայտնի երգիչ Տոտո Կուտունյոն պահանջում է 80-120 հազար եվրո: Նախկինում այդ ելույթների համար պահանջում էին ընդամենը 40 հազար եվրո: Ալլա Պուգաչովան այնքան էլ հեշտ չի համաձայնվում ելույթ ունենալ միջոցառումներին: Սակայն փակ միջոցառումների համար նա պահանջում  է 11 մլն ռուբլի (250 հազար եվրո):

Կայքը կազմել է նաև 2013թ. 5 ամենապահանջված արտիստների ցուցակը

1. Վալերի Մելաձե

2. Գրիգորի Լեպս

3. Յուրի Անտոնով

4. Սոսո Պավլիաշվիլի

5 «Սերեբրո» խումբ:

2013թ. պահանջված հաղորդավարների եռյակը

1. Մաքսիմ Գալկին

2. Comedy Club-ի անդամները

3. Իվան Ուրգանտ

Ռուսական կորպորատիվներում պահանջված արտերկրի աստղերի պահանջված գումարները

1. Boney-M

2. Քելլի Ջոյս

3. Տոտո Կուտունյո

4. Ricchi e Poveri.

5. Ռիկարդո Ֆոլյի

Ներկայացնենք, թե որքան են միջինում պահանջում ռուս հայտնիներից մի քանիսը:

Դիմա Բիլան՝ 130-150 հազար դոլար

Ֆիլիպ Կիրկորով՝ 100-170 հազար դոլար

Լոլիտա՝ 50 հազար դոլար

Լեոնիդ Ագուտին և Անժելիկա Վարում՝ 50 հազար դոլար

Աննա Սեմենովիչ՝ 30 հազար դոլար

Ռուսաստանի բիզնեսմենները չեն խնայում գումարները և բավարարում են արտիստների ֆինանսական պահանջները: Բոլորը շոկի են ենթարկվում նրանց պահանջներից, բայց, միևնույն է, շարունակում են վճարել: