Հալեպում քրիստոնեաբնակ թաղամաս է հրթիռակոծվել. կա հայ վիրավոր

Սիրիայի Հալեպ քաղաքում կրկին բախումներ են տեղի ունեցել, ինչի հետևանով զինյալները հրթիռակոծել են քրիստոնեաբնակ և հայաշատ Ազիզիե թաղամասը. այս մասին տեղեկացնում է Բերիո լուրերի ֆեյսբուքյան էջը:

Պայթյունը տեղի է ունեցել «Ալ – Զահրա» կինոդահլիճի մոտ. վիրավորվել է սրահի աշխատակիցներից մեկը, ով հայուհի է: Նրան անմիջապես տեղափոխել են հիվանդանոց, որտեղ նա բուժում է ստացել: Վիրավորի վիճակի մասին մանրամասներ չեն հաղորդվում: