Կյանքս՝ հայրենիքիս, հոգիս՝ Աստծուն, պատիվս՝ ինձ… բառեր, որոնք թանկ են այն մարդկանց համար, ովքեր պատերազմի դաշտ են գնացել, կռվել թշնամու դեմ ու պայքարել իրենց հայրենիքի անկախության համար: Բառեր, որոնց իմաստը հասկանում ու ընկալում են այն մարդիկ, ովքեր արյուն են թափել մի թիզ հողի համար, որոնք պատերազմի դաշտում իրենց կյանքի գնով հաղթանակի են հասել:
Ու այսօրվա անկախ Հայաստանում այդ մարդիկ պայքարում են ոչ թե իրենց երկրի սահմանները պահելու համար, այլ այն իշխանությունների դեմ, որոնք չեն հանդուրժում նրանց ներկայությունը: Գաղտնիք չէ, որ վերջին ժամանակահատվածում ազատամարտիկների նկատմամբ հետապնդումներ են սկսվել, որոնց մի մասն ավարտվել էր ծեծկռտուքով:
Դեկտեմբերի 9-ին «Ժողովուրդ» օրաթերթը գրել էր, որ ազատամարտիկներ Մանվել Եղիազարյանը և Ռազմիկ Պետրոսյանը ծեծի են ենթարկվել: Հաջորդ օրն իսկ ծեծի ենթարկվեց նաեւ ազատամարտիկ Սուրեն Սարգսյանը… այս ամոթալի դեպքերից մինչ օրս որևէ մեկը չի պատժվել, ինչը հարուցել է ազատամարտիկների զայրույթը: Նրանք կրկին համախմբվել են՝ այս անգամ ոչ թե թշնամու դեմ պայքարելու, այլ սեփական իշխանություններից ազատվելու համար:
Armlur.am-ը ներկայացնում է բանաձև, որի միջոցով, ըստ ազատամարտիկների, երկրի տերը կրկին ժողովուրդը կդառնա:
Սոնա Գրիգորյան, Տիգրան Սարգսյան
.gif)
