«Մեզ դեռեւս չի հաջողվել ամբողջությամբ արմատախիլ անել կոռուպցիան, ստեղծել տնտեսվարողների համար մրցակցային հավասար պայմաններ»:

Այսպիսի խոսքերից հետո վարչապետ Տիգրան Սարգսյանը ոչ թե պետք է խորհրդարանին առաջարկեր հաստատել ՀՀ կառավարության ծրագիրը, այլ վերցներ թուղթ ու գրիչը եւ հրաժարականի դիմում գրեր: Բայց քանի որ այդքանից հետո Սերժ Սարգսյանը Տիգրան Սարգսյանի գոյությունը կառավարության ղեկավարի պաշտոնում հանդուրժում է, նշանակում է, որ մեր պետության ղեկավարները խնդիր ունեն իրականում կործանել երկիրը: Նրանց առանձնապես չի մտահոգում, թե ինչու են երկրում շարունակում լայն տարածում գտնել կոռուպցիան եւ մենանորհները: Պատճառը, հավանաբար, այն է, որ կոռուպցիայի արմատները ձգվում են դեպի Սարգսյանների տիրույթ: