Բոբ Արումը պնդում է, որ Ֆլոյդ Մեյվեզերի ու Մեննի Պակյաոյի միջև մեգամենամարտի կայացումն ամերիկացու ձեռքերում է:
Top Rank-ի ղեկավար Բոբ Արումի խոսքերով՝ «Մեյվեզեր vs. Պակյաո» գլուխկոտրուկում բացակայում է միայն մեկ փազլ՝ «Սիրունիկի» համաձայնությունը: Իր հերթին՝ Մեննի Պակյաոն համաձայնվել է բոլոր գլխավոր պայմաններին, այդ թվում՝ հօգուտ Ֆլոյդի 60/40 չափաբաժնով հոնորարի բաշխումը:
«Չի բավականացնում միայն մեկ բան՝ Մեյվեզերի հետ հանդիպումը, որի ժամանակ կդնենք բոլոր անհրաժեշտ ստորագրությունները, այդ թվում՝ հեռուստաալիքների ստորագրությունները, որոնք պատրաստ կլինեն համատեղ կերպով հեռարձակել մենամարտը: Ես ոչ մեկի վրա ճնշում չեմ գործադրում, պարզապես ասում եմ. «Հե՛յ, մենք ամեն ինչի մասին պայմանավորվել ենք, վերջակետ»: Մեյվեզերի ներկայացուցիչները, որոնց հետ մենք շփվել ենք, տվել են իրենց համաձայնությունը»,- հայտարարել է Բոբ Արումը:
.gif)
