Հոլանդիայի Հիլվերսյում քաղաքում զինված տղամարդը ձերբակալվել է NOS հեռուստաալիքի նկարահանման տաղավարում, ինչից հետո ընդհատվել է երեկոյան լուրերի թողարկումը:
Հեռուստաալիքի աշխատակիցները տարհանվել են շենքից: Հեռարձակումն ընդհատվել է մոտ մեկ ժամով:
Հաղորդվում է, որ սև գործարար կոստյումով, սպիտակ վերնաշապիկով ու սև փողկապով զինված տղամարդը մտադրված էր դուրս գալ ուղիղ եթեր:
Նա այս ու այն կողմ էր գնում դատարկ նկարահանման տաղավարում՝ ձեռքին պահելով ատրճանակը, այս կադրերն է իր եթերում հեռարձակել NOS-ը: Տեսնելով զինված ոստիկաններին՝ տղամարդը դեն է նետել զենքը, ինչից հետո նրան ձերբակալել են:
Ավելի ուշ տեղեկություն է հայտնվել, որ նրա ձեռքի ատրճանակը մուլյաժ է եղել:
.gif)
