Ավելի քան 1000 օրինախախտում է գրանցվել Ֆրանկֆուրտում այսօր առավոտյան սկսված բողոքի ցույցերի ժամանակ: Նշենք, որ ցույցերն արտոնված չեն եղել: Դրանք ուղղված էին Եվրոպական կենտրոնական բանկի վարած քաղաքականության դեմ: Ավելի քան 90 ոստիկան վիրավորվել է, հայտարարել է քաղաքի ոստիկանության ներկայացուցիչը լրագրողներին:
«1100 օրինախախտումներ են գրանցվել… ոստիկանության 90 աշխատակիցներ վիրավորվել են»,- հայտնել է ոստիկանության ներկայացուցիչը:
«Մեր կողմից կան բազմաթիվ տուժածներ ոստիկանների կողմից ջրցան մեքենաների ու արցունքաբեր գազով նռնակների կիրառման արդյունքում»,- հայտարարել է ՌԻԱ «Նովոստիին» ձախ ծայրահեղական Blockupy-ի շարժման ներկայացուցիչը, որը կանգնած է բողոքի ցույցերի հետևում:
Քաղաքի կենտրոնում բողոքի ցույցերը շարունակվում են, այն կապված է Եվրոպական կենտրոնական բանկի նոր գլխավոր գրասենյակի բացման հետ:
.gif)
