Սույն թվականի սեպտեմբերի 22-ին Գողարքունյաց թեմի Ծովինար համայնքի հավատացյալ ժողովրդի կյանքում կատարվեց վաղուց սպասվածը՝ օծվել է համայնքի Ս. Աստվածածին եկեղեցին: Եկեղեցին կառուցվել էր 1900 թ. Մշից ներգաղթած ժողովրդի կողմից: Խորհրդային տարիներին այն վերածվել էր թունաքիմիկատների պահեստի, որի հետևանքով անհնարին էր դառնում եկեղեցում երկար գտնվելը: Այս տարվա ընթացքում եկեղեցին հիմնովին վերակառուցվեց նույն ոճով ՝ վերականգնման կանոնների համաձայն:
Եկեղեցու օծումը կատարել է թեմակալ առաջնորդ Տ. Մարկոս եպիսկոպոս Հովհաննիսյանը: Հավարտ արարողության եկեղեցու բարերար, ՀՀ ԱԺ պատգամավոր տիար Հակոբ Հակոբյանին Սրբազան Հայրը փախանցեց Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի Օրհնության գիրը և Հայ Եկեղեցու բարձրագույն պարգև` “Ս. Գրիգոր Լուսավորիչ” շքանշանը:
Օծման հանդիսությանը ներկա են եղել ՀՀ Գլխավոր դատախազ Ա. Հովսեփյանը, մարզային իշխանությունների ներկայացուցիչներ և հազարավոր ծովինարցիներ:
.gif)
