«Ժողովուրդ»-ի խմբագրություն զանգահարած Վեդի քաղաքի բնակիչները տեղեկացրին, որ քաղաքապետ Վարուժան Բարսեղյանն ամբողջ քաղաքն «իրենով» է արել. «Նրան են պատկանում ««Դավիթ-Բեկ»-ի պատմամշակութային քարանձավի 5 հեկտար հողատարածքը, «Դեմեր» կոչվող հողատարածքները, խնձորի ու խաղողի այգիները, Վեդիում գտնվող Դաշտաքարի մոտ գտնվող մի գազալցակայան, որի մասին ամբողջ Վեդին գիտի, որ իրենն է: Շրջկոոպ-ի ամբողջ պահեստները վերցրել է, եվրոպատուհաններ ու թիթեղներ են արտադրում: Չգիտենք՝ հարկ տալիս է, թե չէ»: Ըստ մեր զրուցակիցների՝ քաղաքապետը տարածքներ ունի, որոնք իր կնոջ՝ Աիդա Բարսեղյանի անունով են գրանցված՝ ի մասնավորի նախկին «Ունիվերմակ»-ի, սպորտդպրոցի հարակից տարածքները: Որտեղի՞ց Ձեզ այդքան գումար, որ հասցրել եք բազում հողատարածքներ ու անշարժ գույք գնել: «Ժողովուրդ»-ի այս հարցին Վարուժան Բարսեղյանը պատասխանեց, թե նշված տարածքներից միայն գազալցակայանից ինքը մասնաբաժին ունի, իսկ սրճարանի տարածքը նվիրել է կնոջը:
.gif)
