“Ժառանգություն” կուսակցության առաջնորդ Րաֆֆի Հովհաննիսյանն անդրադարձել է ԲՀԿ-ական պատգամավոր, նախկին արտգործնախարար Վարդան Օսկանյանի Facebook-յան գրառմանը:
“Այո, Հայաստանն այսօր “ճամպրուկային” տրամադրությամբ լի ,փակուղումե է: Բայց այդպես եղել է Վարդան Օսկանյանի` իշխանակարգի պաշտոնյա դառնալուց ի վեր: Այստեղ` ոչ մի նորություն”,- նշել է Հովհաննիսյանը:
Նա իր խոսքը եզրափակել է ամերիկացի փիլիսոփա եւ գրող Ռալֆ Էմերսոնի խոսքով: “Հիմա` Էմերսոն, եւ ոչ միայն Վարդանի, այլեւ իրենց քաղաքական դեմք համարող բոլորի (նաեւ` իմ) համար.
“Ծիծաղել հաճախ եւ շատ, վաստակել մտածող մարդկանց հարգանքն ու երեխաների համակրանքը, արժանանալ արդար քննադատների գնահատանքին եւ հանդուրժել կեղծ ընկերների դավաճանությունը, արժեւորել գեղեցիկը, գտնել լավագույնը ուրիշների մեջ, քեզնից հետո աշխարհը թողնել փոքր-ինչ ավելի լավը՝ առնվազն մեկ առողջ երեխայով, մեկ պտղատու այգով կամ շտկված որեւէ սոցիալական իրավիճակով, իմանալ, որ քո ապրելը թեթեւացրել է գեթ մեկ մարդու շնչառությունը: Այս ամենը նշանակում է՝ հաջողություն”,- գրել է նա:
.gif)
