Այսօր 2014թ. բյուջեի կատարողականի հաշվետվության քննարկման ժամանակ գյուղատնեսության փոխնախարարին հարց ուղղեց ԲՀԿ-ական պատգամավոր Վահագն Մախսուդյանը: Պատգամավորի հարցն իրարանցում առաջացրեց լսումների սենյակում:
«Դուք ոռոգվող հողերի ինչպիսի պատկեր եք ներկայացրել կառավարություն, որ 5 մլրդ 848 մլն դրամի սուբսիդիա են տվել ջրառ կատարող կազմակերպություններին», – հարցրեց պատգամավորը:
ՀՀԿ պատգամավոր, լսումները նախագահող Գագիկ Մինասյանը հուշեց, որ այդ հարցը պետք է տրվեր Ջրային տնտեսության պետական կոմիտեին, որի նախագահը ներկա է լսումերին: Գյուղատնտեսության փոխնախարարը ցանկանում էր պատասխանել, իսկ Մախսուդյանն էլ նշեց. «Թող պատասխանի, հաջորդին էլ չեմ տա»:
Գագիկ Մինասյանը կրկին միջամտեց. «Կառույցի ղեկավարն այստեղ սպասում է ձեր հարցին»:
«Ինքն է պատվեր տալիս, ինչի մասին է խոսքը: Ջրային պետական կոմիտեն չի վերցնում դա երկնքից: Ես ասում եմ` ինչքնա պատվեր եք տվել», – նշեց Մախսուդյանը:
Նշենք, որ փոխնախարար Սամվել Գալստյանի պատասխանի ժամանակ պատգամավորն անընդհատ ընդհատում էր` ասելով, թե բավարար է պատասխանը:
.gif)
