ՀԱՐՑ. Օրեր առաջ տղայիս ձերբակալել են, ու ես առաջին 2 օրը չգիտեի նրա գտնվելու տեղը: Իրավապահներն արդյոք պարտավոր չէին հայտնել մեզ, թե որտեղ են նրան պահում: Տղաս կարո՞ղ է տեսակցություններ ունենալ ընտանիքի անդամների, ազգականների, բարեկամների հետ:
ՊԱՏԱՍԽԱՆ. Արգելանքի վերցվելուց հետո անմիջապես, բայց ոչ ուշ, քան 12 ժամվա ընթացքում, մեղադրյալ անձը քրեական վարույթ իրականացնող մարմնի միջոցով իրավունք ունի տեղյակ պահել մերձավոր ազգականներին իր՝ կալանքի տակ պահվելու մասին: Սա կանոնակարգվում է օրենքով: Միաժամանակ կալանավորվածներին պահելու վայրի վարչակազմը պարտավոր է կալանավորված անձի՝ կալանավորվածներին պահելու վայր ընդունվելու կամ մեկ հիմնարկից մյուսը փոխադրվելու մասին ոչ ուշ, քան երեք օրվա ընթացքում գրավոր տեղյակ պահել մեղադրյալի մերձավոր ազգականներին կամ կալանավորված անձի նշած անձանց:
Համաձայն օրենքի՝ կալանավորված անձանց տեսակցությունը մերձավոր ազգականների եւ զանգվածային լրատվության միջոցների ներկայացուցիչների եւ այլ անձանց հետ տրամադրվում է կալանավորվածներին պահելու վայրի պետի որոշմամբ: Քննության շահերից ելնելով` կալանավորված անձանց տեսակցությունը մերձավոր ազգականների, զանգվածային լրատվության միջոցների ներկայացուցիչների եւ այլ անձանց հետ, բացառությամբ օրենքով նախատեսված դեպքերի, կարող է արգելվել քրեական վարույթն իրականացնող մարմնի որոշմամբ` այդ մասին գրավոր իրազեկելով կալանավորվածներին պահելու վայրի վարչակազմին:
Կալանավորված անձին մերձավոր ազգականների, զանգվածային լրատվության միջոցների ներկայացուցիչների կամ այլ անձանց հետ ամսվա ընթացքում տրամադրվում է առնվազն երկու տեսակցություն՝ մինչեւ երեք ժամ տեւողությամբ:
սահմանների» ՀԿ
«ԺՈՂՈՎՈՒՐԴ». Քիչ չեն դեպքերը, երբ իրավապահների կողմից խախտվում է օրենքը: Ցավոք, նման դեպքերում նրանք չեն ենթարկվում կարգապահական տույժի, եւ ոչ էլ փոխհատուցվում են կալանավորների հարազատների բարոյական վնասները:
.gif)
