Ազգային ժողովի “Հայ ազգային կոնգրես” խմբակցության ԱԺ արտահերթ նստաշրջան հրավիրելու առաջարկին, կմիանա նաև “Ժառանգություն” խմբակցությունը։ Այս մասին այսօր Ազգային ժողովի ճեպազրույցների ժամին ասաց խմբակցության նախագահ Ռուբեն Հակոբյանը: “Ժառանգությունը նույնպես միանում է ՀԱԿ-ի նախաձեռնությանը, ուղղակի այդ պահին մենք չստորագրեցինք, բայց ասացինք, որ պատրաստ ենք և միանում ենք այդ նախաձեռնությանը: Այսօր առավոտ բերեցին և կմիանանք”,- ասաց նա: Միաժամանակ պատգամավորը վստահ է, որ նախաձեռնությունը արդյունքի չի հասնի, քանի որ քվորում չի ապահովվի:
Անդրադառնալով Ստյոպա Սաֆարյանի առաջադրմանը թիվ 1 ընտրատարածքում՝ Հակոբյանը հայտարարեց, որ ՀՀԿ-ն էլ գիտի, որ Սաֆարյանը ինչպես է կռիվ տալիս պետության համար, և իմանալով դա, չպետք է թեկնածություն դներ նրա դեմ: Հակոբյանը հերքեց, թե Սաֆարյանի ընտրության վերաբերյալ բանակցություններ են եղել ՀՀԿ-ի հետ:
.gif)
