Ինչպես Armlur.am-ը արդեն տեղեկացրել էր, այսօր տեղի ունեցավ ՕԵԿ-ի նախաձեռնած «Հայկական վերածնունդ» միավորման ժողովը: Ժողովից հետո Armlur.am-ը փորձեց մի քանի հարց ուղղել ՕԵԿ նախագահ Արթուր Բաղդասարյանին` կապված քաղաքական կուսակցությունների հետ քաղաքական օրակարգ ձևավորելու և կոնսոլիդացիայի առաջարկի մասին:
Արթուր Բաղդասարյանը, սակայն, այնքան էլ պատրաստակամ չէր պատասխանել հարցերին: Այնուամենայնիվ, վերջինիս մի քանի հարց ուղղեցինք:
-Պարոն Բաղդասարյան, խորհրդարանական ուժերը հրաժարվում են միանալ ՕԵԿ-ին և քաղաքական օրակարգ ձևավորել:
-Մենք նման խնդիր չենք դրել մեր առջև, որպեսզի խորհրդարանական ուժերը մեզ միանան:
-Արտախորհրդարանական ուժերից շատերն էլ հայտարարում են, որ չեն միանա Ձեզ:
-Մեզ արդեն 60-ից ավել ուժեր են միացել:
-Ժողովուրդը Ձեր հետևից կրկին կգա՞:
-Այո, անպայման:
-Ժողովրդին էլի չեք հիասթափեցնի՞:
-Ոչ:
Նշենք, որ Արթուր Բաղդասարյանը և նրա թիմակիցները անհասկանալի պատճառներով վրդովվում էին լրագրողների հարցերից և խուսափում` հորդորելով այս օրը չփչացնել:
Մանրամասները` Armlur.am-ի տեսանյութում:
Քրիստինա Աղալարյան
.gif)
