Հրապարակախոս, «Ժառանգություն» կուսակցության նախկին անդամ Կարինե Հակոբյանը ՕԵԿ-ի և «Հայկական վերածնունդ» միավորման կողքին է: Armlur.am-ի հետ զրույցում Կ. Հակոբյանը ասաց` կարծում է, եթե ՕԵԿ-ը կարող է տարբեր խնդիրների, ծրագրերի քաղաքական իրականացնողը լինել, ապա ժողովուրդը պետք է հավատա դրան:
Հարցին, վերջինս չի՞ կարծում, որ 2008 թվականից հետո ՕԵԿ-ի և Արթուր Բաղդասարյանի նկատմամբ մարդկանց վստահությունը, մեղմ ասած, անհետացել է, Հակոբյանը տվեց դրական պատասխան. «Իհարկե, կարծում եմ: Եվ տեղ ունի ժողովուրդը հիասթափվելու»:
Կարինե Հակոբյանի խոսքով` ԲՀԿ նախկին առաջնորդ Գագիկ Ծառուկյանն ու Արթուր Բաղդասարյանը շատ մեծ տարբերություններ ունեն: «Ծառուկյանն ի սկզբանե ներկայացրել է մեծ բիզնեսի շահերը, իսկ մեծ բիզնեսի ներկայացուցիչը չի կարող լինել մեծ քաղաքականության մեջ»,- կարծում է Կ. Հակոբյանը:
Դիտարկմանը` Արթուր Բաղդասարյանը ևս բիզնես ունի, զրուցակիցը տվեց հետևյալ պատասխանը. «Ունի, բայց նա մեծ բիզնեսի ներկայացուցիչ չէ. Արթուր Բաղդասարյանը քաղաքական գործիչ է»:
Մանրամասները` Armlur.am-ի տեսանյութում:
.gif)
