Հյուրանոցի ավտոտնակում մեքենան ամբողջությամբ այրվել է (ֆոտո)

Armlur.am-ը ՀՀ ՏԿԱԻՆ-ից տեղեկանում է, որ հունիսի 9-ին, ժամը 04.09-ին ահազանգ է ստացվել, որ հրդեհ է բռնկվել Երևանի Եղվարդի խճուղու թիվ 126 հասցեում գտնվող «ԷՍ-ՎԷ» հյուրանոցային համալիրի ավտոտնակում:

Դեպքի վայր է մեկնել երկու մարտական հաշվարկ և ՃԿԱԿ օպերատիվ խումբը:

Հրդեհը մեկուսացվել է ժամը 04.36-ին, մարվել՝ 04.38-ին:

Հյուրանոցային համալիրի առաջին հարկում` ավտոտնակում, ամբողջությամբ այրվել է «ՎԱԶ-21015» մակնիշի 19 ՕL 486 պետհամարանիշով ավտոմեքենան: