Սյունիքում հայրը ոստիկաններին է հանձնել որդուն պատկանող փամփուշտներ

Ոստիկանության Կապանի բաժնի ծառայողները, մի քրեական գործի շրջանակներում, խուզարկություն են կատարել 1981 թ. ծնված Արթուր Ա.-ի բնակարանում: Վերջինիս հայրը` 1952 թ. ծնված Համլետ Ա.-ն, զուգարանից ներկայացրել է 7,62 մմ տրամաչափի ինքնաձիգի 19 փամփուշտ և հայտնել, որ դրանք պատկանում են որդուն:

Հայտնաբերվածն առգրավվել է:
Նշանակվել է դատաձգաբանական փորձաքննություն:
Նախապատրաստված նյութերն ուղարկվել են ՀՀ ՔԿ Սյունիքի մարզի քննչական վարչություն: