Հրապարակ. Նաիրիտցիների աշխատավարձը վճարելու հույս չկա

Թերթը գրում է, որ “Նաիրիտի” աշխատողների բողոքի ակցիաներից հետո ձեռնարկության կառավարիչները խստացրել են ներքին կարգուկանոնը։ Մասնավորապես, կոլեկտիվին արգելել են օգտվել բջջային հեռախոսներից։

 

“Այս մասին մեզ հայտնեցին աշխատողները։ Առհասարակ, “Նաիրիտում” արգելված է ԶԼՄ-ների հետ շփումը։ Մամուլին տեղեկություններ հայտնելու համար նույնիսկ աշխատանքից ազատման դեպք է եղել։ Այնուամենայնիվ, մեզ հաջողվեց պարզել, որ ղեկավարությունն աշխատողներին խոստացել է, որ մինչև շաբաթվա վերջ կվճարի աշխատավարձի մի մասը և ինչ-որ գումար էլ կվճարի դեկտեմբերին։ Հույսը, որ Ամանորից առաջ ձեռքները փող կընկնի, խաղաղեցրել է մարդկանց։ Հիշեցնենք, որ երկուշաբթի “Նաիրիտի” մամուլի քարտուղարը մեզ հայտնել էր, որ աշխատավարձը վճարելու հույս չկա, գործարանի ղեկավարությունը սպասում է նոր ներդրողի”,- հավելում է թերթը։