Նախօրեին Բաքվում Եվրոպական խաղերի ավտոբուսի մասնակցությամբ ևս մեկ վթար է գրանցվել, ինչի արդյունքում զոհվել է Շվեդիայում Ադրբեջանի դեսպան Ադիշ Մամեդովի եղբայրը՝ Ուզեիր Մամեդովը:
Ինչպես հայտնի է դարձել ադրբեջանական լրատվամիջոցներին, Եվրոպական խաղերի ավտոբուսը, որի ղեկին եղել է հարբած վարորդ, բախվել է ավտոբուսին, որում եղել է Ուզեիր Մամեդովը:
Շվեդիայում Ադրբեջանի դեսպանը հաստատել է իր եղբոր մահվան մասին լուրերը:
Հիշեցնենք, որ ավելի վաղ Ավստրիայի հավաքականի 3 մարզիկներ վրաերթի էին ենթարկվել ու հայտնվել հիվանդանոցում:
Իսկ նախօրեին Հեյդար Ալիևի պողոտայում ճանապարհատրանսպորտային պատահար է գրանցվել, ինչի արդյունքում զոհվել է Եվրոպական խաղերի գործադիր կոմիտեի բարձրաստիճան պաշտոնյայի որդի:
.gif)
