ՀԱՐՑ. Ընկերոջս հետ հիմնում ենք գովազդային գործակալություն: Բնականաբար, պետք է գրանցվել, սակայն չգիտենք` ում դիմել: Ուզում եմ իմանալ՝ որ կառույցն է իրականացնում անհատ ձեռներեցի գրանցման գործընթացը, եւ դրա համար որքան ժամկետ է պահանջվում:
ՊԱՏԱՍԽԱՆ. Իրավաբանական անձանց պետական գրանցում, ինչպես նաեւ իրավաբանական անձանց առանձնացված ստորաբաժանումների, հիմնարկների եւ անհատ ձեռնարկատերերի պետական հաշվառում իրականացնող մարմինը ՀՀ արդարադատության նախարարության աշխատակազմի՝ իրավաբանական անձանց պետական ռեգիստրի գործակալությունն է: Վերջինս իրականացնում է՝
• իրավաբանական անձանց պետական գրանցում,
• իրավաբանական անձանց փոփոխությունների պետական գրանցում,
• իրավաբանական անձանց վերակազմակերպմամբ պայմանավորված պետական գրանցում,
• իրավաբանական անձանց լուծարման պետական գրանցում,
• իրավաբանական անձանց առանձնացված ստորաբաժանումների եւ հիմնարկների հաշվառում, հաշվառման փոփոխում կամ հաշվառումից հանում:
Պետական գրանցման կամ պետական հաշվառման համար դիմելու իրավունք ունի ցանկացած գործունակ անձ՝ ներկայացնելով ՀՀ օրենքով պահանջվող փաստաթղթերը:
Պետական գրանցումը կամ պետական հաշվառումը կատարվում է օրենքով սահմանված ժամկետներում, սակայն նշված գործընթացների համար կարող են սահմանվել օրենքով նախատեսված ժամկետներից ավելի կրճատ ժամկետներ՝ ապահովելով նման ծառայությունների վճարովի լինելը:
ԺՈՂՈՎՈՒՐԴ. Շատերը Հայաստանում բիզնես սկսելու ցանկություն ունեն, սակայն այստեղ գործարար միջավայրը հիասթափեցնող է, եւ այլ երկրների հետ համեմատության մեջ` գերադասելի են մեր հարեւան երկրները, հատկապես մի քանի տարվա համար տրվող հարկային արտոնությունների պարագայում:
.gif)
