Ինչպես արդեն հայտնել էինք, ՀՀ նախագահ Սերժ Սարգսյանը հանդիպել է ՌԴ տրանսպորտի նախարարին, որի ժամանակ անդրադարձ է կատարվել նաև Գյումրիի դեպքերին: Մասնավորապես, հայտարարության մեջ ասվում է.
«Օգտվելով առիթից՝ Նախագահը երախտագիտություն է հայտնել Ռուսաստանի իրավապահ մարմիններին և, մասնավորապես՝ դատախազությանը այս տարի հունվարին Գյումրիում կատարված անմարդկային հանցագործության հետաքննության կազմակերպման հարցերով Հայաստանի դատախազության հետ արդյունավետ փոխգործակցության համար:
Սպանության մասով գործը Հայաստանի քննչական կոմիտեի վարույթ հանձնելու որոշումը և Հայաստանի համապատասխան ատյանի կողմից հետագա դատաքննությունը, ըստ Հանրապետության Նախագահի, անկասկած, արտացոլում է գործընկերության և եղբայրության ոգին և լիովին համապատասխանում է Հայաստանում տեղակայված ռուսական ռազմաբազայի կարգավիճակի մասին հայ-ռուսական համաձայնագրի դրույթներին», – նշված է հայտարարությունում:
.gif)
