Ինչպես հայտնի է, Բաղրամյան պողոտան շարունակում է փակված մնալ էլ.էներգիայի թանկացման դեմ բողոքող քաղաքացիների նստացույցի պատճառով։
Armlur.am-ին հայտնի դարձավ, որ ոստիկանության մի շարք աշխատակիցներ, ովքեր ավարտել էին աշխատանքային օրը, կանչվել են ծառայության։
Թե որն է պատճառը, մեզ պարզել չհաջողվեց։ Սակայն այն,որ հատկապես Կենտրոն և Արաբկիր վարչական շրջանների ոստիկանության բաժիններ են կանչվում աշխատանքն ավարտած ոստիկաններ, դա փաստ է։
Նշենք նաև, որ հոսանքի թանկացման դեմ բողոքող քաղաքացիները Բաղրամյան պողոտան փակելուց զատ այսօր փակել էին նաև Սայաթ-Նովա-Մաշտոց խաչմերուկը՝ Ֆրանսիայի հրապարակը։ Ոստիկանությունը հայտնել էր, որ չի հանդուրժի երկու պողոտաների փակումը։
Քիչ առաջ ոստիկանները ցուցարարներից ազատեցին Մաշտոցի պողոտան, երթևեկությունը վերականգնվեց։
.gif)
