Հայաստանում էլեկտրաէներգիայի գնի աճի պատճառով տեղի ունեցող բողոքի ակցիաները կարող են ստիպել «Ինտեր ՌԱՕ»-ին վաճառել «Հայաստանի էլեկտրական ցանցերը». հոլդինգն արդեն համապատասխան բանակցություններ է վարել: Այդ մասին, ինչպես տեղեկացնում է «Արմենպրես»-ը, հունիսի 29-ին գրում է «Կոմերսանտ» թերթը: Ինչպես նշում է հրատարակությունը, ռուսական հոլդինգն արդեն բանակցություններ է վարել գործարարների, այդ թվում՝ «Տաշիր» խմբի սեփականատեր Սամվել Կարապետյանի հետ: Սակայն, ինչպես գրում է թերթը, ընկերության վաճառքի հարցում կարող են խնդիրներ ծագել. ՀԷՑ-ը զգալի պարտքեր է կուտակել, իսկ ցուցարարները պահանջում են, որ իշխանություններն ընկերության վնասները չփոխհատուցեն բյուջեից:
«Տաշիր» խմբի ներկայացուցիչներն իրենց հերթին «Կոմերսանտ»ին հայտնել են, որ ընկերությունը չի գնել ՀԷՑ-ը: «Եթե հայտարարություն լինի վաճառքի մասին, այդժամ արդեն ցանկացած կազմակերպություն կարող է, ուսումնասիրելով պայմանները, հասկանալ, թե տնտեսապես որքանով է շահավետ ձեռք բերել հսկայական պարտքեր ունեցող ընկերությունը», «Կոմերսանտ»-ը մեջբերել է խմբի ներկայացուցչի խոսքը:
Դրա հետ մեկտեղ «Կոմերսանտ»-ի աղբյուրը, որը ծանոթ է Հայաստանի էներգետիկայում տիրող իրադրությանը, հաստատել է ինչպես «Տաշիր»-ի, այնպես էլ «ազգությամբ հայ ռուսաստանցի այլ գործարարի հետ» բանակցությունների փաստը
.gif)
