Թմրամիջոցների ապօրինի տարածման մեջ մեղադրվող Խաչատուրը հայտնաբերվել է Վանաձորում

Ինչպես հայտնում է ՀՀ ոստիկանությունը, քրեական հետախուզության գլխավոր վարչության, Լոռու մարզային վարչության և Բազումի բաժնի ծառայողների ձեռնարկած միջոցառումների շնորհիվ հուլիսի 29-ին, ժամը 16.15-ին, Վանաձորի Լազյան փողոցի թիվ 62 հասցեից Բազումի բաժին բերման է ենթարկվել 1983 թ. ծնված  Խաչատուր Գ.-ն:

Նա հուլիսի 18-ից ոստիկանության Կոտայքի բաժնի կողմից հետախուզվում էր ՀՀ քրեական օրենսգրքի 268 հոդվածի /թմրամիջոցների կամ հոգեմետ (հոգեներգործուն) նյութերի ապօրինի շրջանառությունն առանց  իրացնելու նպատակի/ 1-ին մասի մեղադրանքով: