«Ես արդեն որ քայլում եմ, դա արդեն համոզել է նշանակում»:

Նախընտրական քարոզչության նոր ու ոչ ծախսատար մեթոդ է առաջարկում «հավերժ թեկնածու» Արամ Հարությունյանը. ընդամենը քայլել: Էլ ինչո՞ւ են թեկնածուները հսկայական գումարներ ծախսում քարոզարշավի վրա, երբ պարզապես կարելի է մոտ 20 օր քայլել, արդյունքում ընդամենը մաշել մի զույգ կոշիկ եւ հետո նոր կոշիկ գնելով՝ սահմանափակել ծախսերը: Հուսով ենք՝ Արամ Հարությունյանի այս մեթոդն ազդեցիկ կլինի, եւ թեկնածուն գոնե 4500 ձայն կհավաքի՝ հաշվի առնելով, որ 2003-ին ունեցել է 1300, իսկ 2008-ին՝ 2900 ձայն: Փաստորեն, հինգ տարին մեկ «հավերժ թեկնածուի» ձայներն աճում են 1600-ով: