Ալպերում հայտնաբերել են 45 տարի առաջ անհետացած լեռնագնացների մարմիններ

Շվեյցարական Ալպերում հայտնաբերել են 1970թ. անհետացած երկու լեռնագնացների մարմինները, հայտնում է BBC News-ը:

Ինչպես նշվում է, մասունքները հայտնաբերվել են ծովի մակարդակից 2.8  կմ բարձրության վրա՝ Մաթերհորն լեռան ստորոտին։ ԴՆԹ-ի արդյունքները ցույց են տվել, որ մարմինները պատկանում են Միչիո Օիկավեին և Մասայուկի Կոբայասին, ովքեր անհետ կորել էին 1970թ. օգոստոսից:

Gazeta.ru-ն նշում է, որ մասունքները հայտնաբերվել են  ճապոնացի լեռնագնացների անհետանալու վայրից ոչ հեռու։ Ըստ փորձագետների՝ նրանց մահը վրա է հասել լեռնային սառույցների ակտիվ հալոցքից։