![](https://armlur.am/wp-content/uploads/2015/06/11347599_920773137995399_1653983033_o.jpg)
ԱԺ նախագահ Գալուստ Սահակյանն այսօր լրագրողների հետ զրույցում տեսակետ հայտնեց, որ եթե ՀՀԿ պատգամավոր Մհեր Սեդրակյանն ու ՀՖՖ նախագահ Ռուբեն Հայրապետյանը մեղավոր լինեին, ապա արդեն քրեական գործեր հարուցված կլինեին: Նրա խոսքով` Հայաստանում իշխանությունները վախի մթնոլորտ չեն ստեղծել, իսկ այդ գործերով էլ զբաղվել են իրավապահ մարմինները:
«Եթե այդպիսի միջադեպեր եղել են, բա ինչո՞ւ մինչև հիմա քրեական գործ չի հարուցվել: Երկրում վախի մթնոլորտ չկա, եթե իշխանությունը վախեցնելու ճանապարհով գնար, ապա այսօր այդ սարքավորումը ձեռքերիդ այդպիսի հարց չէիք կարող տալ»,- նշեց նա:
Հիշեցնենք, որ որոշ ժամանակ առաջ տեղեկություններ տարածվեցին Մհեր Սեդրակյանի կողմից «Ներազգային ազատագրական շարժում» նախաձեռնության ղեկավար Վահան Մարտիրոսյանին ծեծի ենթարկելու և ՀՖՖ նախագահ Ռուբեն Հայրապետյանի կողմից` Air Armenia ավիաընկերության տնօրեն Արսեն Ավետիսյանին ծեծի ենթարկելու դեպքերի մասին: