Հրապարակ. Գյումրիում արձանագրվել է ընտրակաշառքի ամենացածր չափը

“Հրապարակը” գրում է, որ Գյումրիում արձանագրվել է ընտրակաշառքի ամենացածր չափը՝ 3 հազար դրամ:

Գյումրեցիները կատակում են, թե Բալասանյանը 5 հազար դրամների 2 հազարներն իրեն է պահել: Իսկ երեկոյան՝ 23:00-ին արդեն ակնհայտ էր, որ Գյումրիում Սերժ Սարգսյանը պարտություն է կրում, ինչի մասին վկայում էին Րաֆֆի Հովհաննիսյանի FB էջում տեղադրված տվյալները:

…Ընտրական ակտիվությունը Շիրակի մարզում վերջերս անկման միտում ունի, եւ փետրվարի 18-ի ընտրությունները եւս բացառություն չեղան: Այս անգամ էլ ամենապասիվ մարզը Շիրակն էր: Անցյալ տարի ԱԺ ընտրությունների ժամանակ, պաշտոնական տվյալներով, մասնակցությունը 57 տոկոս է եղել: ՏԻՄ ընտրությունների ժամանակ` մոտ 49 տոկոս:

Գյումրիի քաղաքապետի ընտրություններին քվեարկել է ընտրության իրավունք ունեցողների  մոտ 36 տոկոսը: Սեպտեմբերին համայնքի ղեկավար ընտրելիս որոշ գյուղերում ընտրողների կեսն էլ չի գնացել քվեարկության: Վահրամաբերդում, օրինակ, 1064 գրանցված ընտրողներից ընդամենը 400-ն է մասնակցել ընտրություններին, Ոսկեհասկում 1612-ից 770 մարդ է քվեարկել, Հայկավանում 932-ից՝ 374-ը: