Նիկոլ ջան, հասկանում եմ պաթոսդ, ջահել ես, բայց չափի մեջ մնա. Մարգարիտ Եսայան (տեսանյութ)

Այսօր խորհրդարանում ելույթ ունեցավ Ազգային ժողովի ՀՀԿ խմբակցության պատգամավոր Մարգարիտ Եսայանը, ով իր ելույթում անդրադարձավ սահմանադրական բարեփոխումները քննադատողներին, հատկապես ընդդիմադիր պատգամավոր Նիկոլ Փաշինյանին:

Պատգամավորը ընդդիմադիրներին խորհուրդ տվեց հրաժարվել իրենց ընտրած՝ «պարտվողական մտածողությունից»:

«Նիկոլ ջան, սիրում ես պոկեր խաղալ, գնա խաղա, բայց քաղաքականությամբ մի խաղա, չի ստացվում, բոլոր թելերը երևում են: Հասկանում եմ պաթոսդ, ջահել ես, ուզում ես ճամփա անցնել, հավակնություններ ու հաշիվներ ունես, բայց չափիդ մեջ մնա ու քո արշինով մյուսներին մի չափի»,- ասաց Մարգարիտ Եսայանը:

Պատգամավորի ելույթը գոհացրեց ԱԺ փոխնախագահ Էդուարդ Շարմազանովին: «Ինչպես կասեր մեր սիրելի ընկեր Վահան Հովհաննիսյանը՝ ապրես Նախշուն ջան»,- ասաց նա:

Մանրամասները` Armlur.am -ի տեսանյութում