Ի պատասխան Ադրբեջանի կողմից Տավուշի մարզի բնակելի համայանքների հրետակոծության Հայոց բանակի մարտիկները ոչնչացրել են ամենաքիչը 5 ադրբեջանցի զինվորի: Ինչպես հաղորդում է Voskanapat.info-ն` ևս հինգ ադրբեջանցի զինվորական վիրավոր է: Նրանցից երկուսը ծանր վիճակում են գտնվում:
Ըստ եղած տեղեկությունների` բացի մարդկային կորուստներից ադրբեջանական կողմը զրկվել է նաև Պառավաքար գյուղի դիմաց տեղակայված մարտական հենակետից, որը ոչնչացվել է ականանետային կրակի միջոցով: Ներկա դրությամբ հակառակորդի ակտիվությունը Տավուշի մարզում ճնշվել է: Իրավիճակը վերահսկվում է ՀՀ Զինված ուժերի կողմից:
Ինչպես armlur.am-ն արդեն հաղորդել էր` սեպտեմբերի 24-ին Ադրբեջանական կողմի գործողությունների հետևանքով զոհվել էր Տավուշի սահմանային գոտու գյուղերի 3 խաղաղ բնակիչ:
.gif)
