Այսօր լրագրողների հետ հանդիպման ընթացքում, անդրադառնալով Սահմանադրական բարեփոխումներին, «Ժողովրդական կուսակցության» ղեկավար Տիգրան Կարապետյանը հայտնեց, որ այս հարցի շուրջ նետրալ մոտեցում ունի, քանի որ ըստ նրա ներկա դրությունն էլ է սարսափելի:
«Փոփոխության առիթ կա, անարդարություն է, որը տիրում մեր երկրում, մենաշնորհն է և այլն: Մեկ է իրենք անելու են լավ է, վատ է: Ես համոզված եմ, որ ներկա իրավիճակն է վատ»,-նշեց նա:
Նրա խոսքով` Սահմանադրական բարեփոխումների նոր նախագծում կան կետեր, որոնց դրական է վերաբերվում` այդ թվում ընտրման համակարգի փոփոխությունը:
Կարապետյանի պնդմամբ այսօր մենք ընդդիմություն չունենք. «Ժողովուրդը ոչ ոքի չի հավատում: Գնան ո՞ւմ միանան, Պարույր Հայրիկյանին միանա՞ն»,-ասաց Կարապետյանը, հավելելով՝ յուրաքանչյուր քաղաղաքացի պետք է ըմբոստանա անարդարության դեմ:
«Ժողովրդական կուսակցության» ղեկավարը նշեց,որ համամիտ է իշխանության դեմ պայքարող յուրաքանչյուր ուժի հետ, սակայն մեծ ոգևորություն չի ապրում, քանի որ ըստ նրա` ոչ մի հաղթանակ չի լինի:
Անդրադառնալով սահմանային լարվածությանը` Կարապետյանը ընդգծեց.
«Երբ աշխարհում իրադրությունները սրվում են, սրվում են նաև մեզ մոտ:Այսօր Պուտինը զբաղված է, և թուլություն զգացին ադրբեջանիցիները: Բայց չեմ կարծում նրանք միտված լինեն պատերազմի, նրանց ձեռք չի տալիս»:
Նրա խոսքով` այսօր շատ տխուր իրավիճակ է և հակամարտություն կա ու կլինի:
Կարապետյանի կարծիքով Ադրբեջանի ագրեսիան կապված է խորհրդարանական ընտրությունների հետ:
.gif)
