Օդաչուն կորցրել է գիտակցությունը, ինքնաթիռը հարկադիր վայրէջք է կատարել Վենետիկում

Բրիտանական EasyJet  ավիաընկերությանը պատկանող Airbus A320 ինքնաթիռը հարկադրված վայրէջք է կատարել Վենետիկի Մարկո Պոլո օդանավակայանում: Այս մասին այսօր հայտնում է ԻՏԱՌ-ՏԱՍՍ-ը:

Միջադեպը գրանցվել է այն պատճառով, որ օդաչուն թռիչքի ժամանակ կորցրել է գիտակցությունը:
Երկրորդ օդաչուն բարեհաջող կերպով վայրէջք է կատարել Վենետիկի օդանավակայանում: 164 ուղևորներից ոչ ոք չի տուժել: Օդաչուն հոսպիտալացվել է:

5461 չվերթն իրականացնող ինքնաթիռը Լոնդոնի Գաթվիկ օդանավակայանից Իրակլիոն  (Կրետե կղզի) է ուղևորվելիս եղել: