Ռուսաստանի Պետդումայի շենքում ինքնաշեն պայթուցիկ նյութ են փնտրում. փոխանցում է «Մոսկվան է խոսում» ռադիոկայանը:
Այս մասին հայտարարել է «Քաղաքացիական իրավունք» շարժման առաջնորդ Պավել Պյատնիցկին:
«Ես մտա Պետդումա, տեսա, որ Դաշնային անվտանգության ծառայության աշխատակիցները ամբողջական համազգեստով, սաղավարտներով ու ինքնաձիգներով դուրս են վազում շենքից: ԴԱԾ աշխատակիցներից մեկը ռադիոկապով տեղեկացնում էր, որ անհայտ մեկը ձերբակալվել է, անցկացվում են ինքնաշեն պայթուցիկ սարքի որոնողական աշխատանքները»,- ասել է Պյատնիցկին:
Նրա խոսքերով` տարհանում չի իրականացվել:
Այլ մանրամասներ դեռևս չեն հայտնվում:
.gif)
