Տավուշի մարզպետարանում փետրվարի 15-ին կայացած խորհրդակցության ժամանակ, գյուղնախարարության Բուսաբուծության, անտառային տնտեսության եւ բույսերի պաշտպանության վարչության պետ Գագիկ Մանուչարյանը տեղեկացրել է, որ իրենց է դիմել «Չարդախլու» բարեգործական հիմնադրամի ներկայացուցիչ Պողոսը եւ Գյումրիի սելեկցիոն կայանից ստացել ցորենի եւ գարու բարձրորակ սերմացու: Վարչության պետի խոսքերով, սակայն, համայնքը տեր չի կանգնել այդ ծրագրին, եւ արդյունքում համայնքում չի ստեղծվել հացահատիկի սերմնաբուծական տնտեսություն: Շամխորի շրջանի հռչակավոր Չարդախլու գյուղից (այստեղից են սերվել մարշալներ Բաղրամյանը եւ Բաբաջանյանը) բռնագաղթածների մի մասը բնակվում է Տավուշի մարզի Զորական գյուղում: Խորհդակցությանը ներկա Զորականի գյուղապետ Սուրեն Մարտիրոսյանն առաջին անգամ էր լսում հատկացված սերմացուի եւ համայնքում սերմնաբուծական տնտեսություն ստեղծելու չկայացած ծրագրի մասին:
.gif)
