Ուկրաինայի Գերագույն ռադայում ծեծկռտուք է առաջացել երկրի վարչապետ Արսենի Յացենյուկի ելույթի ժամանակ, փոխանցում է Korrespondent.net-ը:
«Պյոտր Պորոշենկոյի Բլոկ» կուսակցությունից պատգամավոր Օլեգ Բարնան, ով ստորագրահավաք է անցկացնում Յացենյուկի հրաժարականի համար, մոտեցել է Յացենյուկին և փորձել բարձրացնել նրան և հեռացնել ամբիոնից:
Ամբիոնին են մոտեցել «Ազգային ճակատ»-ի պատգամավորներն ու պաշտպանել երկրի վարչապետին: Ծեծկռտուք է առաջացել, տուժածներ չկան:
Ծաղկեփունջը, որով Բարնան մոտեցել է Յացենյուկին, Նիկոլայ Տոմենկոյի համար էր, ով ուրբաթ օրը նշում է իր ծննդյան օրը:
Այն բանից հետո, երբ կրքերը հանդարտվել են, Ուկրաինայի վարչապետը հայտարարել է, որ չի պատրաստվում մեկնաբանել տեղի ունեցածը՝ նշելով, որ «հիմարները շատ են»:
Թարգմանիչ՝ Քրիստինե Պողոսյան
.gif)
