Գամբիայի նախագահ Յիյա Ջամմեն դեկտեմբերի 13-ին երկիրը հայտարարել է իսլամական հանրապետություն, փոխանցում է «ՌԻԱ Նովոստի»-ն:
Այս մասին ասվում է պետության ղեկավարի պաշտոնական կայքում տեղակայված հաղորդագրության մեջ:
«Այսօրվանից Գամբիան իսլամական հանրապետություն է: Մենք կդառնանք իսլամական պետություն, որը կհարգի իր քաղաքացիների իրավունքները»,-ասվում է հայտարարության մեջ:
Երկրում, որը մինչև 1965թ. բրիտանական գաղութ էր համարվում, 1,9 մլն բնակիչների մոտ 90%-ը իսլամ է դավանում:
Աշխարհում ներկայիս դրությամբ գոյություն ունի 4 իսլամական հանրապետություն՝ Իրանը, Պակիստանը, Աֆղանստանն ու Մավրիտանիան:
Թարգմանիչ՝ Քրիստինե Պողոսյան
.gif)
