Բոլոր խնդիրների շան գլուխը թաղված է քաղաքական համակարգում. տեղի ունեցավ «Լուսավոր Հայաստան»-ի հիմնադիր համագումարը (ֆոտո)

Այսօր տեղի ունեցավ «Լուսավոր Հայաստան» կուսակցության հիմնադիր համագումարը, որին մասնակցում էին 245 պատվիրակները։ Բացման խոսքով հանդես եկավ կուսակցության անդամ, պատգամավոր էդմոն Մարուքյանը։

Նա նշեց, որ կուսակցության գործունեությունը բաց և թափանցիկ է լինելու, իսկ գլխավոր նպատակը լինելու է քաղաքական համակարգի առողջացումը։ Նրա խոսքով` բոլոր խնդիրների շան գլուխը թաղված է քաղաքական համակարգում։ Մարուքյանը հավելեց, որ գլխավոր խնդիր է կառավարման անարդյունավետ և ծախսատար համակարգը։