ՀՀ ՏԿԱԻ նախարարությունը ու ՄԱԿ-ի աղետների ռիսկի նվազեցման գրասենյակը դեկտեմբերի 15-16-ը Երևանում կազմակերպում են արդեն ավանդական դարձած «Հանրային իրազեկումը՝ որպես աղետների ռիսկի նվազեցման և կայուն զարգացման անկյունաքար» խորագրով երկօրյա միջազգային համաժողովը, որը նվիրված է աղետների ռիսկի նվազեցման (ԱՌՆ) հանրային իրազեկման խնդիրներին և Սենդայի գործընթացի համատեքստում լրատվամիջոցների դերին ու ազդեցությանը:
Համաժողովի նպատակն է հանրայնացնել ԱՌՆ համաշխարհային ռազմավարությունները՝ Հյոգոյի (2005-2015թթ.) և Սենդայի (2015-2030թթ.) գործողությունների ծրագրերը, ընդգծել լրատվամիջոցների դերն աղետների կառավարման բոլոր փուլերում բնակչության իրազեկման, աղետների կանխարգելման ու անվտանգության մշակույթի ձևավորման և ԱՌՆ բոլոր դերակատարներին ներգրավելու ոլորտներում:
Բացմանը ներկա կլինի ՄԱԿ-ի գլխավոր քարտուղարի հատուկ ներկայացուցիչ, ՄԱԿ-ի աղետների ռիսկի նվազեցման գրասենյակի ղեկավար Մարգարետա Վալսթրոմը:
Համաժողովին կմասնակցեն աշխարհի ճանաչված լրատվական գործակալությունների ներկայացուցիչներ, լրագրողական և ուսուցողական կենտրոնների, համալսարանների, միջազգային կազմակերպությունների ներկայացուցիչներ, դեսպաններ, ՀՀ կառավարության և ազգային Ժողովի ներկայացուցիչներ:
.gif)
