Ռուսաստանը նոր պատժամիջոցներ է պատրաստում Թուրքիայի դեմ

Ռուսաստանը մտադիր է նոր սահմանափակումներ կիրառել թուրքական բիզնեսի դեմ. փոխանցում է «Կոմմերսանտ»-ը՝ հղում անելով ՌԴ էկոնոմիկայի նախարարությանը:

Ծրագիրը կներկայացվի ՌԴ վարչապետ Դմիտրի Մեդվեդևին:

Փաստաթղթի համաձայն՝ սահմանափակումները կտարածվեն շինարարական ծառայությունների ներմուծման, հյուրանոցների ծառայությունների, փայտամշակման, ինչպես նաև` Թուրքիայում ՌԴ ավիաընկերությունների քաղաքացիական անձնակազմի վերապատրաստմանը:

Միևնույն ժամանակ, ամբողջովին կարգելվի ՌԴ պետգնումներում թուրք ռեզիդենտների մասնակցությունը:

Պարբերականի տեղեկությունների համաձայն՝ պատժամիջոցները կանդրադառնան միայն նոր պայմանագրերին, իսկ ռուսական շուկայում արդեն աշխատող թուրքական ընկերությունները հետագայում կարող են բացառություն կազմել:

Թարգմանիչ՝ Քրիստինե Պողոսյան